Almaty qalalyq turǵyn úi saiasaty basqarmasy basshysynyń orynbasary Ermek Ámirov brifing barysynda «Almaty jastary» baǵdarlamasyna qatysýshylarǵa qoiylatyn negizgi talaptardy aityp berdi, dep habarlaidy QazAqparat.
Onyń aitýynsha, «Almaty jastaryna» qatysý úshin turaqty tirkeý mindetti emes. Eń bastysy - megapoliste jumys istese bolǵany.
Sonymen qatar, baǵdarlamaǵa qatysýshynyń jasy 35-ke deiin bolýy kerek.
Ekinshiden úmitkerde jáne onyń otbasy músheleriniń menshiginde turǵyn úi, sondai-aq Qazaqstan aýmaǵynda sońǵy 5 jyl ishinde turǵyn úi jaǵdaiynyń ádeii nasharlaý faktileri bolmaýy tiis.
«Sondai-aq qatysýshynyń Almaty qalasyndaǵy densaýlyq saqtaý, bilim, mádeniet, sport, JOO men ǴZI, jýrnalister, áleýmettik sala jáne quqyq qorǵaý organdary sanattary boiynsha mindetti zeinetaqy aýdarymy bar, kem degende sońǵy 6 ai ishinde resmi jumys ótili bolýy kerek. Almaty qalasynda tirkelgen, bir jyldan kem emes merzimde áreket etetin jeke kásip iesi de qatysa alady, alaida atalǵan talap mádeniet salasyndaǵy ózin-ózi jumyspen qamtyǵan qatysýshylarǵa ǵana qatysty», - dedi ol.
«Otbasy bank» AQ Almaty qalasy filialynyń direktory Danagúl Túsipovanyń aitýynsha, iriktelgen úmitkerlerge saittaǵy jeke kabinette tólem qabiletin rastaý úshin joldama beriledi.
Joldama alǵan ótinish berýshilerge 15 jumys kúni ishinde tólem qabiletin baǵalaýdan ótý úshin «Otbasy bank» AQ kez kelgen qyzmet kórsetý ortalyǵyna júginý qajet.
«Tólem qabiletin sátti rastaǵan qatysýshylar 45 kúntizbelik kún ishinde bastapqy jáne qaitalama naryqta turǵyn úidi derbes tańdaidy. Tańdalǵan turǵyn úidiń qujattary turǵyn úi qaryzyn berý múmkindigin qaraý úshin «Otbasy bankke» usynylady. Bank maquldaýyn alǵannan keiin satyp alý-satý shartyn jáne kepil shartyn rásimdeý jáne tirkeýdi júzege asyrady», - dedi Danagúl Túsipova.
