«Almaty» telearnasyndaǵy Akimat Live baǵdarlamasynyń tikelei efirinde megapolis ákimi Baqytjan Saǵyntaev jumys isteitin jastarǵa jalǵa beriletin baspana baǵdarlamasy týraly aitty, dep habarlaidy QazAqparat.
Baqytjan Saǵyntaev tikelei efir barysynda 15 qarashada 29 jasqa deiingi jumys isteitin jastar úshin jalǵa beriletin turǵyn úi baǵdarlamasyna ótinim qabyldaý bastalatynyn málim etti.
Ótinimdi 2021 jyldyń 20 qarashasynda saǵat 23.59-ǵa deiin berýge bolady.
Ótinim qabyldaý www.almaty-jastary.info.saitynda júrgiziledi, saitqa ótinish berýshilerdiń elektrondyq-tsifrlyq kiltimen kirýge bolady.
Baǵdarlamaǵa qatysýshylarǵa qoiylatyn negizgi talaptar: jasy – 29 jasqa deiin, Almatyda sońǵy eki jyldan kem emes turaqty tirkelýi, sońǵy eki jyl ishinde Qazaqstan aýmaǵynda turǵyn úiiniń bolmaýy.
Budan basqa, sońǵy 6 aida úmitkerlerdiń ai saiynǵy jalaqysy 40 AEK-ten joǵary bolýy tiis – 116 680 teńge.
«Beriletin páterler Naýryzbai aýdanyndaǵy «Alma Siti-5» jańa turǵyn úi kesheninde jáne Alataý aýdanyndaǵy «Mádeniet» turǵyn úi kesheninde ornalasqan. Jalpy sany – 1 050 bir bólmeli páter. Jalǵa berý merzimi – uzartý quqyǵynsyz 5 jyl. Budan basqa, qalada jastarǵa «Almaty jastary 3.0» jeńildetilgen nesie berý baǵdarlamasy jumys isteidi. Baǵdarlama biýdjeti – 18 mlrd teńge. Qaryzdyń eń joǵarǵy somasy – 18 mln teńgege deiin, paiyzdyq mólsherleme – 5%, bastapqy jarna – 10%»,- dep túsindirdi qala ákimi.
Atalǵan baǵdarlama boiynsha jyl saiyn 1000 jas bastapqy jáne qaitalama turǵyn úi satyp alý múmkindigine ie bolady.
Búgingi tańda «Almaty Jastary 3.0» baǵdarlamasy boiynsha 14,7 mlrd teńge somasyna 868 zaem berildi.
Baǵdarlama bilim, densaýlyq saqtaý, mádeniet jáne sport, BAQ, áleýmettik salalarda jumys isteitin jastarǵa arnalǵan.
Sondai-aq, ony joǵary oqý oryndary men ǴZI, quqyq qorǵaý organdarynyń qyzmetkerleri paidalana alady.
