«الماتى» تەلەارناسىنداعى Akimat Live باعدارلاماسىنىڭ تٸكەلەي ەفيرٸندە مەگاپوليس ەكٸمٸ باقىتجان ساعىنتاەۆ جۇمىس ٸستەيتٸن جاستارعا جالعا بەرٸلەتٸن باسپانا باعدارلاماسى تۋرالى ايتتى, دەپ حابارلايدى قازاقپارات.
باقىتجان ساعىنتاەۆ تٸكەلەي ەفير بارىسىندا 15 قاراشادا 29 جاسقا دەيٸنگٸ جۇمىس ٸستەيتٸن جاستار ٷشٸن جالعا بەرٸلەتٸن تۇرعىن ٷي باعدارلاماسىنا ٶتٸنٸم قابىلداۋ باستالاتىنىن مەلٸم ەتتٸ.
ٶتٸنٸمدٸ 2021 جىلدىڭ 20 قاراشاسىندا ساعات 23.59-عا دەيٸن بەرۋگە بولادى.
ٶتٸنٸم قابىلداۋ www.almaty-jastary.info.سايتىندا جٷرگٸزٸلەدٸ, سايتقا ٶتٸنٸش بەرۋشٸلەردٸڭ ەلەكتروندىق-تسيفرلىق كٸلتٸمەن كٸرۋگە بولادى.
باعدارلاماعا قاتىسۋشىلارعا قويىلاتىن نەگٸزگٸ تالاپتار: جاسى – 29 جاسقا دەيٸن, الماتىدا سوڭعى ەكٸ جىلدان كەم ەمەس تۇراقتى تٸركەلۋٸ, سوڭعى ەكٸ جىل ٸشٸندە قازاقستان اۋماعىندا تۇرعىن ٷيٸنٸڭ بولماۋى.
بۇدان باسقا, سوڭعى 6 ايدا ٷمٸتكەرلەردٸڭ اي سايىنعى جالاقىسى 40 اەك-تەن جوعارى بولۋى تيٸس – 116 680 تەڭگە.
«بەرٸلەتٸن پەتەرلەر ناۋرىزباي اۋدانىنداعى «الما سيتي-5» جاڭا تۇرعىن ٷي كەشەنٸندە جەنە الاتاۋ اۋدانىنداعى «مەدەنيەت» تۇرعىن ٷي كەشەنٸندە ورنالاسقان. جالپى سانى – 1 050 بٸر بٶلمەلٸ پەتەر. جالعا بەرۋ مەرزٸمٸ – ۇزارتۋ قۇقىعىنسىز 5 جىل. بۇدان باسقا, قالادا جاستارعا «الماتى جاستارى 3.0» جەڭٸلدەتٸلگەن نەسيە بەرۋ باعدارلاماسى جۇمىس ٸستەيدٸ. باعدارلاما بيۋدجەتٸ – 18 ملرد تەڭگە. قارىزدىڭ ەڭ جوعارعى سوماسى – 18 ملن تەڭگەگە دەيٸن, پايىزدىق مٶلشەرلەمە – 5%, باستاپقى جارنا – 10%»,- دەپ تٷسٸندٸردٸ قالا ەكٸمٸ.
اتالعان باعدارلاما بويىنشا جىل سايىن 1000 جاس باستاپقى جەنە قايتالاما تۇرعىن ٷي ساتىپ الۋ مٷمكٸندٸگٸنە يە بولادى.
بٷگٸنگٸ تاڭدا «الماتى جاستارى 3.0» باعدارلاماسى بويىنشا 14,7 ملرد تەڭگە سوماسىنا 868 زاەم بەرٸلدٸ.
باعدارلاما بٸلٸم, دەنساۋلىق ساقتاۋ, مەدەنيەت جەنە سپورت, باق, ەلەۋمەتتٸك سالالاردا جۇمىس ٸستەيتٸن جاستارعا ارنالعان.
سونداي-اق, ونى جوعارى وقۋ ورىندارى مەن عزي, قۇقىق قورعاۋ ورگاندارىنىڭ قىزمەتكەرلەرٸ پايدالانا الادى.
