«Almaty jastary» jeńildetilgen turǵyn úi baǵdarlamasyna ótinishter qabyldaý bastalady, dep habarlaidy QazAqparat.
Baǵdarlama boiynsha ótinimder men qujattar 1 maýsymǵa deiin almaty-zhastary.kz veb-saity arqyly qabyldanady.
Saitta ótinishter men qujattardy qabyldaý elektrondy tsifrly qoltańba arqyly júzege asady. Avtomatty ball qoiý úshin elektrondy kalkýliator engizilgen. Jeke kabinet arqyly ótinishtiń barysymen tanysýǵa bolady. Qujattardy qabyldaý 1 maýsymda saǵat 23:59-da aiaqtalyp, 20 jumys kúni ishinde baǵdarlama talaptaryna sáikestigi tekseriledi. Odan keiin árbir sanat boiynsha jinalǵan eń joǵary upai sanyna sáikes tizim jasalady.
Baǵdarlamanyń biýdjetine 18 mlrd teńge qarastyrylyp otyr. Al nesieniń eń joǵary somasy – 18 mln teńgege deiin. Syiaqy mólsherlemesi – 5, bastapqy jarnasy – 10 paiyz. Qatysýshynyń jańa salynǵan nemese qoldanystaǵy turǵyn úi naryǵynan 45 kúntizbelik kún ishinde úi tańdaý múmkindigi bar. Baǵdarlamaǵa qamtylatyndar sany 1 myńǵa jýyq.
Tańdalǵan turǵyn úidiń qujattary turǵyn úi qaryzyn berý múmkindigin qaraý úshin «Otbasy bank» AQ-na usynylady. «Otbasy bank» AQ maquldaýyn alǵannan keiin satyp alý-satý shartyn jáne kepil shartyn rásimdeý jáne tirkeýdi júzege asyrady.
Ótinish bere alatyn azamattar sanatyna Almatydaǵy memlekettik qalalyq jáne respýblikalyq mekemede eńbek etetinder, dárigerler men meiirbikeler, pedagogtar men tárbieshiler, ártister, jazýshylar, mádeniet salasynyń mamandary, jattyqtyrýshylar men sportshylar, JOO oqytýshylar men ǵylymi qyzmetkerler, áleýmettik sala mamandary: jýrnalister men BAQ qyzmetkerleri (memlekettik jáne kommertsiialyq), óndiristik salada eńbek etetinder kiredi.
