«الماتى جاستارى» جەڭٸلدەتٸلگەن تۇرعىن ٷي باعدارلاماسىنا ٶتٸنٸشتەر قابىلداۋ باستالادى, دەپ حابارلايدى قازاقپارات.
باعدارلاما بويىنشا ٶتٸنٸمدەر مەن قۇجاتتار 1 ماۋسىمعا دەيٸن almaty-zhastary.kz ۆەب-سايتى ارقىلى قابىلدانادى.
سايتتا ٶتٸنٸشتەر مەن قۇجاتتاردى قابىلداۋ ەلەكتروندى تسيفرلى قولتاڭبا ارقىلى جٷزەگە اسادى. اۆتوماتتى بالل قويۋ ٷشٸن ەلەكتروندى كالكۋلياتور ەنگٸزٸلگەن. جەكە كابينەت ارقىلى ٶتٸنٸشتٸڭ بارىسىمەن تانىسۋعا بولادى. قۇجاتتاردى قابىلداۋ 1 ماۋسىمدا ساعات 23:59-دا اياقتالىپ, 20 جۇمىس كٷنٸ ٸشٸندە باعدارلاما تالاپتارىنا سەيكەستٸگٸ تەكسەرٸلەدٸ. ودان كەيٸن ەربٸر سانات بويىنشا جينالعان ەڭ جوعارى ۇپاي سانىنا سەيكەس تٸزٸم جاسالادى.
باعدارلامانىڭ بيۋدجەتٸنە 18 ملرد تەڭگە قاراستىرىلىپ وتىر. ال نەسيەنٸڭ ەڭ جوعارى سوماسى – 18 ملن تەڭگەگە دەيٸن. سىياقى مٶلشەرلەمەسٸ – 5, باستاپقى جارناسى – 10 پايىز. قاتىسۋشىنىڭ جاڭا سالىنعان نەمەسە قولدانىستاعى تۇرعىن ٷي نارىعىنان 45 كٷنتٸزبەلٸك كٷن ٸشٸندە ٷي تاڭداۋ مٷمكٸندٸگٸ بار. باعدارلاماعا قامتىلاتىندار سانى 1 مىڭعا جۋىق.
تاڭدالعان تۇرعىن ٷيدٸڭ قۇجاتتارى تۇرعىن ٷي قارىزىن بەرۋ مٷمكٸندٸگٸن قاراۋ ٷشٸن «وتباسى بانك» اق-نا ۇسىنىلادى. «وتباسى بانك» اق ماقۇلداۋىن العاننان كەيٸن ساتىپ الۋ-ساتۋ شارتىن جەنە كەپٸل شارتىن رەسٸمدەۋ جەنە تٸركەۋدٸ جٷزەگە اسىرادى.
ٶتٸنٸش بەرە الاتىن ازاماتتار ساناتىنا الماتىداعى مەملەكەتتٸك قالالىق جەنە رەسپۋبليكالىق مەكەمەدە ەڭبەك ەتەتٸندەر, دەرٸگەرلەر مەن مەيٸربيكەلەر, پەداگوگتار مەن تەربيەشٸلەر, ەرتٸستەر, جازۋشىلار, مەدەنيەت سالاسىنىڭ ماماندارى, جاتتىقتىرۋشىلار مەن سپورتشىلار, جوو وقىتۋشىلار مەن عىلىمي قىزمەتكەرلەر, ەلەۋمەتتٸك سالا ماماندارى: جۋرناليستەر مەن باق قىزمەتكەرلەرٸ (مەملەكەتتٸك جەنە كوممەرتسييالىق), ٶندٸرٸستٸك سالادا ەڭبەك ەتەتٸندەر كٸرەدٸ.
