«Almaty jastary 3.0» baǵdarlamasynyń sharttary barynsha jeńildetildi. Bul týraly qala ákimi Baqytjan Saǵyntaev óziniń Instagram–daǵy paraqshasynda jazdy, dep habarlaidy "Ult aqparat".
«Áleýmettik salada jumys isteitin jastardy, sonyń ishinde muǵalimder, dáriger, mádeniet jáne BAQ salasynyń qyzmetkerlerin qoldaý úshin «Almaty jastary 3.0» baǵdarlamasynyń sharttary barynsha jeńildetildi.
Jyldyq mólsherleme 5%, bastapqy jarna 10%, nesieleý merzimi 25 jylǵa deiin. Jas ereksheligi 35 jastaǵy azamattar»,– dep atap ótken ákim.
Sonymen qatar, ol jyl basynan beri tólem qabilettiligin rastaý úshin 1035 adam joldama alǵanyn atap ótti.
«Jyl basynan beri tólem qabilettiligin rastaý úshin 1035 adam joldama aldy. Qalada tirkeýiniń bolý kerektigi týraly talap alynǵannan keiin taǵy 526 azamat joldama alsa, 457-si rezervke engizildi. Birinshi kezeń boiynsha ótken jastar ózderine páter tańdap aldy. Aita ketý kerek, turǵyn úidi bastapqy jáne ekinshi naryqtan tańdaý quqyǵy bar. Jastarǵa qamqor bolý – basty mindetterimizdiń biri. Qalanyń negizgi áleýeti ári Almatynyń qozǵaýshy kúshi men jasampaz energiiasy – Sizdersizder, jastar», – dep jazdy Baqytjan Saǵyntaev.
