Taǵy eki óńirde – Almaty jáne Jambyl oblystarynda terroristik qaýiptiń joǵary – "qyzǵylt sary" deńgeii joiyldy.
Mundai qaýipsizdik sharasy dúisenbi, 7 aqpan kúni saǵat 00.00-den bastap alynyp tastaldy, dep habarlady Sputnik Qazaqstan agenttigi oblystyq terrorizmge qarsy shtabtarǵa silteme jasap.
Óńir turǵyndaryna túsinistikpen qarap, azamattyq jaýapkershilik tanytqany úshin alǵys aityldy.
Osylaisha dúisenbiden bastap arnaiy jáne quqyq qorǵaý organdary qalypty jumys rejimine kóshedi.
Eske sala keteiik, Qazaqstan Prezidenti Qasym-Jomart Toqaev qańtardaǵy tártipsizdikterden keiin elde 5-19 qańtar aralyǵynda tótenshe jaǵdai jariialaǵan bolatyn. 26 qańtarda Almaty oblysynda qaýiptiń qyzyl deńgeii joiylyp, terroristik qaýiptiń joǵary, qyzǵylt sary deńgeii engizildi.
