Foto: Nikita Basov
Almaty ákimi Erbolat Dosaev jumys sapary barysynda Áýezov aýdanynda jeke investitsiia esebinen ashylǵan jańa saýda-keńse ǵimaraty men arnaiy tehnikany qurastyrý tsehynyń jumysymen tanysty, dep habarlaidy Ult.kz.
1,8 ga jer ýchaskesinde «Evraziia ST» kompaniiasy ǵimaratty rekonstrýktsiialap, oǵan irgeles aýmaqty kóriktendirý jumystaryn júrgizdi. Jobanyń jalpy investitsiia kólemi – 3 mlrd teńge, bul 50 turaqty jumys ornyn ashýǵa múmkindik berdi.
Biyl qazan aiynda kompaniia «Eurasia Special Machines» (ESM) kommýnaldyq mashinalar men jabdyqtardy qurastyrý tsehyn iske qosty. Munda joldardy kútip ustaý jáne tazalaý úshin ártúrli álemdik brendterdiń arnaiy kólik quraldary men jabdyqtaryn jinaý josparlanyp otyr.
Foto: Nikita Basov
Kompaniia bolashaqta tehnika túrlerin kóbeitip, jobalyq qýatqa shyqqanda jylyna 30 kópfýnktsionaldy «Pony P4» mashinalary, 50 sý sebý keshenderi, 30 qoqys tasityn mashina, 50 kóktaiǵaqqa qarsy materialdardy taratatyn qural jáne basqa da tehnikalar shyǵarady dep kútilýde.
Almaty kóshelerin sanitarlyq tazalaýǵa jaýapty «Almaty Tazalyq» kásiporny birneshe elektrli ámbebap trotýar tazalaityn mashinalar, aralas jol tazalaý mashinalary jáne suiyq reagentterdi taratqyshtardy satyp aldy.
Foto: Nikita Basov
Keshen aýmaǵyn aralaý barysynda megapolis basshysyna kanalizatsiialyq qudyqtarǵa arnalǵan nemis óndirisiniń frezerlik tehnikasy tanystyryldy.
«Biz bul tehnikany uzaq kúttik. Barshamyzǵa belgili, qalada liýkterdiń ainalasyndaǵy asfalt negizinen qolmen óńdeledi, al bul tehnika jabyndyny dál mólsherde frezerlep, liýkterdi durys ornatýǵa múmkindik beredi. Bul eńbek ónimdiligin arttyrady. Árbir aýdan jáne joldardaǵy liýkterge qyzmet kórsetetin sý jáne jylýmen jabdyqtaý kásiporyndary osyndai tehnikamen jabdyqtalady. Qala úshin kóshelerdi tazalaýǵa, joldardy jóndeýge arnalǵan sapaly kópfýnktsionaldy tehnikanyń bolýy mańyzdy», – dedi Erbolat Dosaev. Sondai-aq, bul baǵytta jumys isteitin kásipkerlerge jan-jaqty qoldaý kórsetiletinin jetkizdi.
Foto: Nikita Basov
