«Almaty-Uzynaǵash» elektropoiyzynda jol aqysyn Ońai kartasy arqyly tóleýge bolady, dep habarlaidy "Ult aqparat".
Bul múmkindik 23 qańtardan bastap qoljetimdi bolmaq.
«Biz Ońai júiesiniń kóptegen múmkindikteri bar ekenin jáne onyń ary qarai damytýǵa bolatynyn birneshe ret aitqan edik. Ońai óz qoldanýshylarymen únemi bailanysta bolyp, tek qoǵamdyq kólikte ǵana emes, basqa da taýarlardy satyp alýǵa yńǵaily bolýy úshin qyzmet atqaryp jatyrmyz. Ońai júiesi kez kelgen elektrondy qyzmettermen eshbir tehnikalyq kedergisiz integratsiialana alady», - dedi Almaty qalasy kólik holdinginiń direktory Sadir Hamraev.
«Almaty 1 - Uzynaǵash - Almaty 1» baǵytymen qatynaityn «Turan Ekspress» jolaýshylar kóliginiń baǵasy barlyq Ońai qoldanýshylary úshin eshqandai jeńildiksiz 80 teńge bolyp otyr.
Bul qyzmetti tek Ońai kartasy, «Dizainerlik» karta, «Ońai» áshekeii (brelogy), mektep oqýshylarynyń Ońai kólik kartasy, Almaty oblysynyń mektep oqýshysy kartasy, stýdenttik karta, qoǵamdyq kólik kartasy, 75 jasqa deiingiler qoldanatyń zeinetkerler qoǵamdyq kartasy, kópbalaly ana qoǵamdyq kartasy bar qoldanýshylar paidalana alatynyn atap ótken jón.
Búgingi tańda Ońai kartasymen Almaty zoobaǵynda, «Medeý» muz aidynynda, «Kók-Tóbe» saiabaǵynda tólem jasaýǵa bolady.
