Foto: Aqmola oblysynyń Tótenshe jaǵdailar departamenti
Almaty qalalyq Tótenshe jaǵdailar departamentiniń bastyǵy Nurlan Atyǵaev laýazymynan ketti, dep habarlaidy baspasóz qyzmeti.
Tótenshe jaǵdailar ministrliginiń resmi ókili Dinara Nurǵaliqyzynyń aitýynsha, Atyǵaevtyń qyzmetinen ketýi Nazarbaev dańǵylynda bolǵan órt oqiǵasyna bailanysty emes.
– Almaty qalasy Tótenshe jaǵdailar departamentiniń qurylymyndaǵy kadrlyq ózgerister messendjerler men áleýmettik jelilerde taraǵan aqparatqa qatysy joq. Resmi derekkózderge ǵana senýdi suraimyz, – delingen vedomstvo málimdemesinde.
Eske salaiyq, 9 shildede Nazarbaev dańǵylynda "Gazel" kóligi órtenip, jarylys bolǵan. Alaida daý órt shyqqannan keiin emes, órt sóndirýshiler kelgen kezde bastaldy – olar oqiǵa ornyna sýy joq kólikpen kelgen.
