Foto: rsk.almaty.kz saitynan
Almaty qalasy TJD Basqarmasynyń bastyǵy jemqorlyq úshin sottaldy, dep habarlaidy "Ult aqparat Sybailys jemqorlyqqa qarsy is-qimyl agenttiginiń baspasóz qyzmetine silteme jasap.
"8 jeltoqsanda Qostanai qalasynyń №2 sotymen Almaty qalasy TJD Basqarmasynyń bastyǵy, azamattyq qorǵaý podpolkovnigi A.K. Janyspaevqa qatysty úkim jariialandy.
Ol kásipkerge qamqorlyǵy úshin jalpy somasy 13 mln teńgeden astam aqshalai syiaqy alǵany úshin kináli dep tanyldy.
Janyspaev 5 jylǵa bas bostandyǵynan aiyrylyp, arnaýly ataǵynan, sondai-aq memlekettik qyzmette ómir boiy qyzmet atqarý quqyǵynan aiyryldy" - delingen habarlamada.
Úkim zańdy kúshine engen joq.
