Salyq bereshegin ótegen azamattardyń kópshiligi - Almaty qalasynyń turǵyndary, dep habarlaidy "Ult aqparat".
Qarjy ministrligi Memlekettik kirister komitetiniń habarlaýynsha, 2019 jylǵy 10 qazandaǵy jaǵdai boiynsha 334 127 jeke tulǵa 7,9 mlrd teńge kóleminde salyqtyq bereshegin ótep, 1,64 mlrd teńge ósimpul esepten shyǵarylǵan.
«Qaryz óteý boiynsha Almaty qalasy birinshi orynda (65 042 adam) bolsa, Aqtóbe (34 68 adam) men Qostanai (28 975 adam) oblystary úzdik úshtikti túiindep tur», - delingen habarlamada.
Tólengen salyq somalary boiynsha Almaty qalasy alda tur. Qala turǵyndarynyń salyqqa bereshegi qazirgi ýaqytta 4 mlrd 440 mln teńgeni quraidy. 2019 jyldyń 1 qańtarynda Almaty boiynsha salyq qaryzy - 5,5 mlrd teńge bolatyn.
«Jinalǵan salyq qaryzy boiynsha osy aptadaǵy reiting kóshbasshysy – Almaty qalasynyń turǵyny. Ol kólik salyǵy boiynsha 1 862 999 teńge kólemindegi negizgi borysh somasyn tólep, atalǵan somadan 1,5 ese asyp túsetin ósimpul esepten shyǵaryldy (2 745 000 teńge)», - deidi baspasóz qyzmeti.
Eske sala ketsek, 3 - 10 qazan aralyǵynda 21 275 jeke tulǵanyń 74,8 mln teńge kólemindegi ósimpuly esepten shyǵarylǵan bolatyn.
