Foto: Sybailas jemqorlyqqa qarsy qyzmet
Sybailas jemqorlyqqa qarsy qyzmet kásipkerdi para berýge itermelegen Almaty qalasynyń turǵynyn áshkereledi, dep habarlaidy "Ult aqparat" Antikor baspasóz qyzmetine silteme jasap.
Ol ózin quqyq qorǵaý organynyń qyzmetkeri retinde tanystyra otyryp, kásipkerlik sýbektisine qatysty tekserý sharalary júrgizilip jatqandyǵy týraly jalǵan aqparat bergen. Kúdikti óziniń deldaldyq qyzmetterin usynyp, máseleni sheshý úshin 390 myń AQSh dollaryn talap etken.
"Kásipker alaiaqtyq áreketterge boi aldyrmai, Sybailas jemqorlyqqa qarsy qyzmetke júgingennen keiin, kúdikti aqshany alý kezinde ustaldy.
Sondai-aq, atalǵan azamattyń turǵylyqty jerin tintý kezinde qosymsha 470 myń AQSh dollary tabyldy. Olardyń qaidan alynǵany jáne ustalǵan adamnyń basqa qylmystarǵa qatystylyǵy tekserilip jatyr.
Sot kúdiktige qatysty «qamaýda ustaý» bultartpaý sharasyn taǵaiyndady. Tergeý jalǵasýda.
Qylmystyq-protsestik kodeksiniń 201-babyna sáikes ózge aqparat jariia etýge jatpaidy. Konstitýtsiianyń 77-babyna jáne Qylmystyq-protsestik kodeksiniń 19-babyna sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi", - delingen habarlamada.
