فوتو: سىبايلاس جەمقورلىققا قارسى قىزمەت
سىبايلاس جەمقورلىققا قارسى قىزمەت كەسٸپكەردٸ پارا بەرۋگە يتەرمەلەگەن الماتى قالاسىنىڭ تۇرعىنىن ەشكەرەلەدٸ, دەپ حابارلايدى "ۇلت اقپارات" انتيكور باسپاسٶز قىزمەتٸنە سٸلتەمە جاساپ.
ول ٶزٸن قۇقىق قورعاۋ ورگانىنىڭ قىزمەتكەرٸ رەتٸندە تانىستىرا وتىرىپ, كەسٸپكەرلٸك سۋبەكتٸسٸنە قاتىستى تەكسەرۋ شارالارى جٷرگٸزٸلٸپ جاتقاندىعى تۋرالى جالعان اقپارات بەرگەن. كٷدٸكتٸ ٶزٸنٸڭ دەلدالدىق قىزمەتتەرٸن ۇسىنىپ, مەسەلەنٸ شەشۋ ٷشٸن 390 مىڭ اقش دوللارىن تالاپ ەتكەن.
"كەسٸپكەر الاياقتىق ەرەكەتتەرگە بوي الدىرماي, سىبايلاس جەمقورلىققا قارسى قىزمەتكە جٷگٸنگەننەن كەيٸن, كٷدٸكتٸ اقشانى الۋ كەزٸندە ۇستالدى.
سونداي-اق, اتالعان ازاماتتىڭ تۇرعىلىقتى جەرٸن تٸنتۋ كەزٸندە قوسىمشا 470 مىڭ اقش دوللارى تابىلدى. ولاردىڭ قايدان الىنعانى جەنە ۇستالعان ادامنىڭ باسقا قىلمىستارعا قاتىستىلىعى تەكسەرٸلٸپ جاتىر.
سوت كٷدٸكتٸگە قاتىستى «قاماۋدا ۇستاۋ» بۇلتارتپاۋ شاراسىن تاعايىندادى. تەرگەۋ جالعاسۋدا.
قىلمىستىق-پروتسەستٸك كودەكسٸنٸڭ 201-بابىنا سەيكەس ٶزگە اقپارات جارييا ەتۋگە جاتپايدى. كونستيتۋتسييانىڭ 77-بابىنا جەنە قىلمىستىق-پروتسەستٸك كودەكسٸنٸڭ 19-بابىنا سەيكەس, قىلمىستىق قۇقىق بۇزۋشىلىق جاساۋداعى كٸنەسٸ سوتتىڭ زاڭدى كٷشٸنە ەنگەن ٷكٸمٸمەن بەلگٸلەنگەنگە دەيٸن ەربٸر ادام كٸنەسٸز دەپ ەسەپتەلەدٸ", - دەلٸنگەن حابارلامادا.
