Foto: ashyq derekkóz
Túrksib aýdandyq soty Almaty áýejaiy men «E» áýetasymaldaýshysyna qarsy talap-aryz boiynsha azamattyq isti qarady, dep habarlaidy Ult.kz.
Talap qoiýshynyń 2019 jyly týǵan komatozdy kúidegi balasy Almaty áýejaiyna ushyp kelgennen keiin, meditsinalyq talaptarǵa sai kómek kórsetilmegenin málimdedi. Áýejai qyzmetkerleri balaǵa múgedekter arbasyn usynǵanymen, bul meditsinalyq talaptarǵa sai kelmegen. Balaǵa arnalǵan jeke reanimobil kóligi áýejai aýmaǵyna kirgizilmegen. Bala ambýliftpen tasymaldanǵan, biraq ol aýyr haldegi naýqastarǵa arnalmaǵan.
Saldarynan bala shekaralyq baqylaý kezinde kózge arnalǵan tańǵyshty alyp tastaýǵa májbúr bolǵan, bul onyń jaǵdaiyn ýshyqtyrǵan. Nátijesinde, bala ekijaqty pnevmotorakspen aýrýhanaǵa jatqyzylyp, aqpan aiynda qaitys boldy.
Sot moraldyq ziiandy óteý týraly talapty ishinara qanaǵattandyryp, «E» áýetasymaldaýshysynan talap qoiýshynyń paidasyna 5 mln teńge óndirip alýdy mindettedi.
Sot sheshimi zańdy kúshine engen joq.
