Almatyda Qazybek bi-Qarasai batyr-Qonaev-Dostyq kósheleriniń boiynda ornalasqan birqatar úi men ǵimarat ystyq sý men jylýsyz qaldy, dep habarlaidy QazAqparat.
«Almaty jylý júiesi» mekemesiniń málimetinshe, Ýálihanov - Qazybek bi kóshesindegi diametri 300 mm bolatyn sý qubyryndaǵy zaqymǵa bailanysty birqatar úige ystyq sý men jylý berý toqtatyldy.
«Qazirgi ýaqytta «Almaty jylý jelileri» JShS avariialyq brigadasymen zaqymdanýdy joiý boiynsha jumystar júrgizilýde. Joiýdyń josparly merzimi búgingi kúni saǵat 20:00-ge deiin. Qalalyqtardan ýaqytsha qolaisyzdyqtarǵa túsinistikpen qaraýdy suraimyz»,- dep habarlady kompaniiadan.
Sonymen qatar, kompaniia ókilderi shtattan tys jaǵdai týyndaǵan jaǵdaida (sý, bý shyǵaryndylary) óz betinshe áreket etpeýdi jáne bolǵan oqiǵa týraly «AlJJ» JShS apattyq-dispetcherlik qyzmetine +7 727 3780665 táýlik boiǵy nómiri boiynsha nemese +7 727 341 0777 nómirine habarlasýdy suraidy.
Qońyraý qabyldaý saǵaty 08:00-den 18: 00-ge deiin.
