Foto: Olympic.kz
Almatynyń Alataý aýdanynda keshe túnde elektr jaryǵy birneshe saǵatqa óship, kólik qozǵalysy qiyndady. Ásirese Almaty Arena mańyndaǵy yqshamaýdandarda tas qarańǵy bolyp, uialy bailanys ta nasharlaǵan, dep habarlaidy Ult.kz.
«Alataý Jaryq Kompaniiasynyń» málimetinshe, ekinshi jylý elektr stansasyna jaqyn mańda elektr jetkizý jelisinde aqaý bolǵan.
Saldarynan Aqbulaq, Alǵabas, Aqkent, Saialy, Terekti, Zerdeli yqshamaýdandary, sondai-aq Raiymbek dańǵyly, Momyshuly jáne Móńke bi kósheleriniń aralyǵy jaryqsyz qalǵan.
Apattyq brigada aqaýdy jóndep, elektr qýatyn shamamen bes saǵattan keiin, túngi 12 shamasynda qalpyna keltirgen.
