Almatyda qańtar aiynyń basynda bolǵan jappai tártipsizdikten keiin 243 nysan qaita jóndeýdi qajet etedi. Onyń 27-si memlekettik mekemelerge tiesili bolsa, 216-sy biznes nysandar. Bul týraly Almaty qalasy ákiminiń orynbasary Muhit Ázirbaev aitty, dep habarlaidy QazAqparat.
Muhit Ázirbaevtyń málimetinshe, búgingi kúnge 216 biznes nysanynyń 206-sy tekserildi. Úsh nysanǵa kúrdeli jóndeý qajet. Olar: «Merei» saýda úiiniń qoima ǵimaraty, «Mir 24» TRK ǵimaraty, Das Auto Service ǵimaraty. Qurylys montajdaý jumystarynyń quny anyqtalýda. 203 nysan aǵymdaǵy jóndeýdi qajet etedi. Onyń 8-i menshik ieleriniń óz qarajaty esebinen qalpyna keltirildi. 127 nysan boiynsha aldyn ala shyǵyn somasy 56 mln teńgeni qurady.
«Akkredittelgen uiymdar tehnikalyq tekserý, aqaýlar aktisi men smetalyq esepterdi daiyndaý jumystaryn jalǵastyrýda. 10 nysan boiynsha tekserý júrgizý jáne ruqsat alý úshin menshik ielerin izdeý júrgizilýde», - dedi qala ákiminiń orynbasary.
Muhit Ázirbaev energiia tiimdiligin basqarý boiynsha 8 nysanda qurylys montajdaý jumystary qaita bastalǵanyn aitty. 19 nysan qysqy kezeńge toqtatyldy. Sondai-aq jeke qurylys salýshylardyń barlyq 143 nysanynda qurylys montajdaý jumystary qaita jandandy.
