Qala ákimi Baqytjan Saǵyntaev jumys sapary barysynda terrorister shabýyldaǵan telearna redaktsiialaryna bardy, dep habarlaidy QazAqparat.
«Almaty» telearnasy ujymymen kezdesýde Baqytjan Saǵyntaev qyzmettik mindetterin oryndaý kezinde qaza tapqan júrgizýshi Murathan Bazarbaevtyń qaitys bolýyna bailanysty kóńil aitty.
Onyń otbasyna materialdyq kómek kórsetilip, 3 bólmeli páter beriletinin jetkizdi.
Sondai-aq ákim jaraqat alǵan teleoperator Diasken Baitibaevqa tezirek saýyǵyp ketýin tilep, joldastaryn evakýatsiialaýǵa kómektesken teleoperator Arsen Sandybaevqa alǵysyn bildirdi.
Olarǵa materialdyq qoldaý, sondai-aq odan ári ońaltýǵa kómek kórsetiletin bolady.
Baqytjan Saǵyntaev telearnanyń barlyq qyzmetkerlerine tártipsizdik kezinde azamattardy habardar etý boiynsha batyldyq pen kásibi mindetterdi oryndaǵany úshin alǵys aitty.
Qala ákimi bandalyq toptardyń qolynan zardap shekken «Qazaqstan», «Habar», «Mir», «Pervyi kanal Evraziia» telearnalary ornalasqan ǵimarattardy aralap kórdi.
Tehnikalyq tekserýden keiin qysqa merzimde qalpyna keltirý bastalady.
