Almaty qalasynyń prokýrory Berik Júiriktaev megapolistegi qoǵamdyq qaýipsizdikti qalpyna keltirý jumystary týraly aitty, dep habarlaidy QazAqparat.
Onyń aitýynsha, qaladaǵy jaǵdai turaqtaldy. Qazir tájiribeli quqyq qorǵaý organdarynyń arasynan qurylǵan jedel top jumys istep jatyr.
«Qazir quqyq qorǵaý organdary 405 qylmystyq isti tergep jatyr. Qaraqshylar men terroristerge qatysty jaza tergeýdiń qorytyndysy boiynsha qabyldanady. Oqiǵa ornynan kóptegen dálelder, zattai aiǵaqtar men qylmys izderi alyndy. Prokýratýra adam quqyqtary jónindegi ýákilmen, úkimettik emes uiymdarmen, advokattar alqasymen birlese otyryp, qylmystyq protsestiń barlyq satylarynda azamattardyń konstitýtsiialyq quqyqtaryn qamtamasyz etý boiynsha jumys júrgizýde. Biz azamattardyń barlyq ótinishterine jaýap beremiz. Bizde senim telefony bar», - dedi qala prokýrory.
Sonymen qatar, ol turǵyndar anonimdi túrde video nemese sýrettermen bólise alatyn «Terrorizmdi toqtatý» internet-resýrsy qurylǵanyn málim etti.
«Búgingi kúni ýaqytsha ustaý izoliatorynan 91 adamdy bosattyq. 100 tulǵanyń jazasy ákimshilik túrde jeńildetildi. Bul jumys jalǵasyn tabady», - deidi Berik Júiriktaev.
