QR Tótenshe jaǵdailar ministrligi Respýblikalyq qutqarý jasaǵynyń mamandary Almatydaǵy taýda joǵalǵan er adamdy úsh táýlik boiy izdestirip jatyr, dep habarlaidy "Ult aqparat".
12 jeltoqsanda Respýblikalyq jasaqtyń kezekshi pýltine 35 jastaǵy er adam Titov aýdany mańynda adasyp ketkeni týraly habar túsken.
«Ol kúndiz taýǵa shyǵyp, qaitarda soqpaǵynan adasqan. Qarańǵy ári sýyq bolǵandyqtan óz betimen tómen túse almaǵan. Kinologiialyq top er adamdy izdeýge jolǵa shyqty. Aýa raiy qolaisyz bolǵanyna qaramastan, izdestirý jumysy túni boiy júrgizildi. 12-14 jeltoqsandaǵy izdestirýge 39 qutqarýshy, 5 kinologiialyq quram, 6 kólik jumyldyryldy», - dedi baspasóz qyzmetinen.
Búgingi tańda jasaq qutqarýshylary Qumbelsý ózeniniń boiymen joǵalǵan adamnyń sońǵy geollokatsiiasyna bara jatyr.
Qutqarýshylar aýa raiynyń buzylǵanyna qaramastan izdestirýdi toqtatpady. Ázirge eshqandai jańalyq joq.
