Foto: ashyq derekkóz
Ile-Alataýy memlekettik ulttyq tabiǵi parkiniń aýmaǵynda qar barysyn qorǵaý jáne baqylaý maqsatynda jyrtqyshqa spýtniktik qarǵybaý ornatyldy, dep habarlaidy Ult.kz.
Jaqynda Úlken Almaty shatqalynda jemtigin jep jatqan jyrtqysh týraly aqparat áleýmettik jelilerde lezde tarap ketti. Kelesi kúni bul jerge kelýshiler sany arta túsken. Park ákimshiligi mundai áreketter janýar úshin kúizelis týdyryp, adamdardyń qaýipsizdigine de qaýip tóndirgenin aitady.
Osydan keiin mamandar qar barysyn qorǵaý jáne yqtimal qaýiptiń aldyn alý maqsatynda ony ýaqytsha aýlaý týraly sheshim qabyldaǵan. Janýarǵa qysqamerzimdi narkoz berilip, spýtniktik qarǵybaý taǵylǵan.
Sondai-aq densaýlyǵyn baǵalaý úshin biomaterialdar alyndy. Barlyq rásim halyqaralyq veterinariialyq jáne etikalyq standarttarǵa sai júrgizilgen.
