Almaty qalasynyń qutqarýshylary Kúmbel shyńynda qalyp qoiǵan eki jasóspirimdi qaýipsiz jerge túsirdi dep habarlaidy ult.kz.
Tótenshe jaǵdai týraly habarlama keshe keshki ýaqytta túsken. Málimetke sáikes, 2009 jyly týǵan eki jasóspirim biiktigi 3200 metrden asatyn Kúmbel shyńyna kóterilgen. Alaida olar tómenge ózdiginen túse almai, qiyn jaǵdaiǵa tap bolǵan.
Oqiǵa kezinde jasóspirimdermen bailanys úzilgen, olardyń naqty ornalasqan jeri belgisiz bolǵan. Osyǵan bailanysty Almaty qalasy Tótenshe jaǵdailar departamentiniń Qutqarý qyzmeti dereý izdestirý-qutqarý jumystaryn bastady.
Taýly aimaqtyń kúrdeli bederi men túngi ýaqytqa qaramastan, qutqarýshylar operatsiiany sátti júrgizip, joǵalǵan jasóspirimderdi taýyp shyqty.
Búgin tańerteń qutqarýshylar olardy aman-esen ekobeketke jetkizip, ata-analaryna tapsyrdy. Qutqarylǵandarǵa meditsinalyq kómek qajet bolmaǵan.
TJD mamandary turǵyndar men týristerge taýǵa shyǵar aldynda baǵytty muqiiat josparlap, aýa raiyn eskerýge, sondai-aq bailanys quraldaryn ózderimen birge alyp júrýge keńes beredi.
