Fotokollaj: Tengrinews.kz
Ile Alataýy taýlaryndaǵy Aiýsai shatqalynda aýstraliialyq týristiń denesi tabyldy, dep habarlaidy "Ult aqparat" Respýblikalyq jedel-qutqarý jasaǵynyń baspasóz qyzmetine silteme jasap.
Aldyn ala málimet boiynsha, 21 mamyrda 1995 jyly týǵan Avstraliia azamaty Úlken Almaty shatqalyna qarai ketken. Bul týraly Politsiia departamentine er adammen bir jataqhanada turǵan Resei azamaty habarlaǵan. Joǵalǵan adamdy sońǵy ret áiel áriptesi kórgen. Sondai-aq, ol ekeýiniń Almatyǵa 20 mamyr kúni keshke týrizm maqsatynda kelgenderin aitqan. Tańǵy saǵat 7-de týrister ushyp ketýi kerek bolǵan. Áriptesi ony qala áýejaiyna ózi barady dep oilap, jalǵyz ketken.
Týristti izdeýge 6 adamnan turatyn Respýblikalyq jedel-qutqarý jasaǵynyń jedel qutqarý toby jáne 1 kinologiialyq eseptop jiberilgen. Túngi 23:40-ta (22-nen 23-ine qaraǵan túni) olar izdeý jumystaryna kirisedi.
02:40-ta RJQJ qyzmetkerleri men Politsiia departamentiniń qyzmetkerleri ǵarysh stantsiiasyna kóterilip, betkeilerdi teksergen. Keiin tómen túsip, qubyrdyń oń jáne sol jaǵyn sholyp shyqqan. Degenmen joǵalǵan adam kóldiń oń jaǵynan tabylmaidy. Sondai-aq, Úlken Almaty kólinde túnde aýa-raiy qolaisyz bolyp, jańbyr, qar jaýyp, qatty jel soǵyp turǵan.
"Saǵat 10:45-te Úlken Almaty ózenine qutqarýshylardyń taǵy bir toby - bir tehnika men 10 adam qaita aýysýǵa kelip, 11:15-te ǵarysh stantsiiasynan izdeýdi jalǵastyrdy. Qutqarýshylar eki topqa bólindi: bireýi - Aiýsai shatqalyna, ekinshisi Prohodnoe shatqalyna izdeýge shyqty. Izdeý kúni boiy qar, jańbyr, tuman siiaqty qolaisyz aýa-raiy jaǵdaiynda júrgizildi.
15:48-de TJM RJQJ qutqarý bólimshesiniń basshysy Arystanbaev Baýyrjan spýtniktik bailanys boiynsha RJQJ qutqarýshylary Almaty qalasy ákimdiginiń qutqarý qyzmetiniń qutqarýshylarymen birlesip, Aiýsai shatqalyndaǵy birinshi sarqyramanyń janynan joǵalǵan adamnyń denesin tapqandyǵy týraly aqparat berdi" - delingen habarlamada.
