Jambyl oblysy Baizaq aýdanynyń Jańaturmys aýylynda Qorǵanys ministrliginiń 28349 áskeri bóliminiń órtenýine bailanysty respýblikalyq mańyzy bar «Almaty-Tashkent-Termez» jolynyń 476 shaqyrymynda qozǵalys shektelgen.
Bul týraly Indýstriia jáne infraqurylymdyq damý ministrliginiń Telegram kanaly habarlady.
Áskeri bólim Taraz-Almaty baǵyty boiynsha temirjol boiynyń oń jaǵynda, ońtústik jaqtan shamamen 250-300 metr qashyqtyqta ornalasqan. Tasjol boiynda «Taý Dos» jáne «Otyrar» qyzmet kórsetý nysandary ornalasqan.
Qazirgi ýaqytta qozǵalys avtokóliktiń barlyq túrleri úshin Taraz qalasy jaǵynan 505 km jáne Aqsholaq kenti jaǵynan 474 km (Jibek jolyna burylys) jabyldy.
«Qozǵalys jergilikti mańyzy bar Taraz-Sarykemer avtojoly arqyly júzege asyrylýda»,-delingen habarlamada.
