Qala halqyn sý jáne káriz júiesimen táýlik boiy úzdiksiz qamtamasyz etetin «Almaty Sý» MKK qyzmetkerleri júz paiyz koronavirýsqa qarsy vaktsina aldy, dep habarlaidy QazAqparat.
Ujymdaǵy vaktsinatsiia sáýir aiynan bastap uiymdastyryldy. Qyzmetkerlerge vaktsinany jumys ornynda salýǵa múmkindik jasaldy.Tórt ai ishinde kommýnaldyq qyzmettiń úlken aýmaqtarynda 5 mobildi egý pýnkti qyzmet kórsetti.
«Almaty Sý» MKK sanitarlyq dárigeri Aizada Qasymnyń aitýynsha, qyzmetkerler vaktsinatsiiaǵa úlken jaýapkershilikpen qarady. Sonyń arqasynda qyzmetkerler 100 paiyz ekpe saldyrdy.
«Bizdiń qyzmetkerler koronavirýstan tek vaktsinatsiia kómektesetinin jaqsy túsinedi. Biz egý protsesin jeńildetýge jáne ujymdyq immýniteti qalyptastyrýǵa, adamdardy qaýipti infektsiiadan qorǵaýǵa tyrystyq. Basqa da kóptegen jumysshylar osy múmkindikti paidalanyp, vaktsinatsiialaýdyń mańyzdylyǵyn túsinip, otbasy múshelerin ekpe ortalyǵyna alyp keldi», - deidi ol.
Pandemiianyń alǵashqy kúninen bastap «Almaty Sý» memlekettik kásipornynda koronavirýs infektsiianyń taralýyna qarsy qaýipsizdik sharalary kúsheitildi - maska rejimi, mindetti termometriia, qyzmettik úi -jailardy dezinfektsiialaý.
«Men ujymmen jáne tutynýshylarmen jumys isteimin. Sondyqtan men úshin vaktsina alý óte mańyzdy boldy. Egov portalyndaǵy jeke kabinet arqyly men turǵylyqty jerimdegi emhanaǵa vaktsinatsiiaǵa jazyldym, biraq ekpe alǵysy keletinderdiń uzyn -sonar kezegi boldy. Anyqtalǵandai, dál sol kúni bizdiń bas keńsede jyljymaly vaktsinatsiia pýnkti ashyldy, men ekpeniń birinshi komponentin jumys ornynda dárigerlerdiń baqylaýymen aldym. Men úshin otbasymnyń jáne ainalamdaǵy adamdardyń densaýlyǵy mańyzdy. Sondyqtan men árkim vaktsinatsiiadan ótip, ózin jáne ózgeni virýstyń taralýynan saqtaýy kerek dep esepteimin», - deidi kásiporyn ókili Gúlbaný Muqanova.
