Almaty qalasy Sport basqarmasynyń laýazymdy tulǵalary 360 million teńgeden astam qarjyny jymqyrdy degen kúdikke ilindi, - dep habarlaidy "Ult aqparat" Sybailas jemqorlyqqa qarsy qyzmetke silteme jasap.
"Almaty qalasy boiynsha Sybailas jemqorlyqqa qarsy qyzmet Almaty qalasy Sport basqarmasynyń burynǵy basshysy jáne onyń qaramaǵyndaǵy qyzmetkerler JShS direktorymen aldyn ala sóz bailasyp, sport jabdyqtaryn jalǵa alýǵa, memlekettik satyp alý sheńberinde sertifikattar men kýboktar satyp alýǵa jalǵan sharttar resimdeý jáne qarajatty JShS direktorynyń týystarynyń banktik shottaryna negizsiz aýdarý arqyly 369 million teńge somasynda biýdjet qarajatyn jymqyrǵany anyqtaldy", - delingen habarlamada.
Ózge aqparat tergeý múddesinde jariia etýge jatpaidy.
