Almaty qalalyq soty tanymal bloger men vainer Meiirjan Tórebaev pen Meiirhan Sherniiazovtyń nege ádettegidei tergeý merzimine beriletin eki aiǵa emes, 10 táýlikke qamaýǵa alynǵanyn túsindirdi, dep habarlaidy KAZ.NUR.KZ.
Sottyń habarlaýynsha, Tórebaev pen Sherniiazovqa qatysty kepil túrindegi bultartpaý sharasyn 10 táýlikke qamaýǵa alý túrine aýystyrý sanktsiialandy.
"Osy turǵyda aita ketý kerek, tergeý organy eki aiǵa qamaýǵa alýdy santsiialaýǵa negiz bolatyn materialdar usynǵan joq.
Taǵylyp otyrǵan bap boiynsha qosymsha dáleldemeler men materialdar jinalǵan jaǵdaida tergeý organy kúzetpen ustaý merzimin uzartýǵa sanktsiia berý týraly ótinishhatpen júginýge quqyly", - dedi Almaty qalalyq sotynyń baspasóz qyzmeti.
Aita keteiik, Meiirjan Tórebaev pen taǵy úsh adam qamaýǵa alynǵan edi. Búgin olardyń 10 táýlikke tutqyndalǵany belgili boldy.
