Foto: Almaty ákimdigi
Almaty stendi Aziianyń Seýldegi SITF 2025 eń iri halyqaralyq týristik kórmesinde úzdikterdiń biri bolyp tanyldy, dep habarlaidy Ult.kz.
5-8 maýsym aralyǵynda ótken is-sharaǵa 70 elden 800-ge jýyq týristik sala ókilderi qatysty. Almaty stendi ózine erekshe nazar aýdartyp, «Úzdik dizain» qurmetti marapatyna ie boldy.
"Kórmege kelgen qonaqtar dombyrashylardyń ónerin tamashalady, sheberlik synyptarynda, ulttyq kiimder túsirilgen foto jáne gastronomiialyq aimaqtarda bolyp, qazaq mádenietimen tanysty. Almatyǵa qatysty VR-týr erekshe tanymaldyqqa ie boldy", - delingen ákimdik habarlamasynda.
Bul is-shara qalany biregei týristik baǵyt retinde ilgeriletýdegi mańyzdy qadamǵa ainaldy. Onyń aiasynda yntymaqtastyq týraly 30 kelisimshartqa qol qoiyldy jáne 21 myńǵa jýyq týrist tartylady dep kútilýde.
Aita keteiik, Almatyǵa degen qyzyǵýshylyq artyp keledi: 2024 jyly Koreiadan kelgen týrister sany 3,2% - ǵa artty.
