Almatyda Almaly aýdanynyń saiabaqtarynda it serýendetýshilerge arnalǵan paketteri bar jáshik ornatylady. Bul týraly aýdan ákimi Bekqali Torǵaev aitty, dep habarlaidy "Ult aqparat".
Onyń aitýynsha, mundai usynysty turǵyndar ózderi jetkizgen. Bekqali Torǵaev osy baǵytta turǵyndardyń pikiri eskeriletinin aitty.
Biyl M.Gandi atyndaǵy saiabaqta ittiń nájisin jinaýǵa arnalǵan arnaiy keshen ornalastyrylatyn bolady.
«Bizde 15 skver, 1 saiabaq, 5 jasyl aimaq bar. Bul jerlerde adamdar tańerteń júgiredi. Kelesi jyly K.Baiseiitova kóshesinde jaiaý júrginshiler aimaǵyn jasaimyz. Osy aimaqtarda adamdar itpen kóp júredi. Sondyqtan kópshiliktiń narazylyǵy bar. Itpen serýendeýge bolady, biraq olar tumyldyryq taǵýy tiis. «Qatysý biýdjeti» baǵdarlamasy aiasynda bizde 1 joba ótti. Biz qazir bul jobany Gandi atyndaǵy saiabaqta jalǵastyratyn bolamyz. Saiabaqtardyń kireberisine arnaiy jáshikter qoiylady. Ishinde paket bolady. It ieleri sol paketti alyp júredi. Itpen serýendep júrgende paidalanatyn bolady. Qalanyń barlyq turǵyndary tártipke baǵynýy tiis», - dedi Bekqali Torǵaev.
