الماتىدا المالى اۋدانىنىڭ ساياباقتارىندا يت سەرۋەندەتۋشٸلەرگە ارنالعان پاكەتتەرٸ بار جەشٸك ورناتىلادى. بۇل تۋرالى اۋدان ەكٸمٸ بەكقالي تورعاەۆ ايتتى, دەپ حابارلايدى "ۇلت اقپارات".
ونىڭ ايتۋىنشا, مۇنداي ۇسىنىستى تۇرعىندار ٶزدەرٸ جەتكٸزگەن. بەكقالي تورعاەۆ وسى باعىتتا تۇرعىنداردىڭ پٸكٸرٸ ەسكەرٸلەتٸنٸن ايتتى.
بيىل م.گاندي اتىنداعى ساياباقتا يتتٸڭ نەجٸسٸن جيناۋعا ارنالعان ارنايى كەشەن ورنالاستىرىلاتىن بولادى.
«بٸزدە 15 سكۆەر, 1 ساياباق, 5 جاسىل ايماق بار. بۇل جەرلەردە ادامدار تاڭەرتەڭ جٷگٸرەدٸ. كەلەسٸ جىلى ك.بايسەيٸتوۆا كٶشەسٸندە جاياۋ جٷرگٸنشٸلەر ايماعىن جاسايمىز. وسى ايماقتاردا ادامدار يتپەن كٶپ جٷرەدٸ. سوندىقتان كٶپشٸلٸكتٸڭ نارازىلىعى بار. يتپەن سەرۋەندەۋگە بولادى, بٸراق ولار تۇمىلدىرىق تاعۋى تيٸس. «قاتىسۋ بيۋدجەتٸ» باعدارلاماسى اياسىندا بٸزدە 1 جوبا ٶتتٸ. بٸز قازٸر بۇل جوبانى گاندي اتىنداعى ساياباقتا جالعاستىراتىن بولامىز. ساياباقتاردىڭ كٸرەبەرٸسٸنە ارنايى جەشٸكتەر قويىلادى. ٸشٸندە پاكەت بولادى. يت يەلەرٸ سول پاكەتتٸ الىپ جٷرەدٸ. يتپەن سەرۋەندەپ جٷرگەندە پايدالاناتىن بولادى. قالانىڭ بارلىق تۇرعىندارى تەرتٸپكە باعىنۋى تيٸس», - دەدٸ بەكقالي تورعاەۆ.
