Almaty politsiia departamentiniń basshysy Qanat Taimerdenov jalǵa alynǵan páterde jantúrshigerlik zorlyq kórgen áieldiń isine qatysty pikir bildirdi, dep habarlaidy "Ult aqparat".
Jaqynda #NeMolchi qorynyń Facebook paraqshasynda 33 jastaǵy áieldiń jaldamaly páterde zorlyq kórgeni jariialanǵan bolatyn. Qylmys 26 qyrkúiekte bolǵan.
33 jastaǵy áiel 48 jastaǵy qurbysynyń shaqyrýymen onyń bolashaq kúieýimen tanysýǵa kelgen. Úsheýi ishimdik iship, toilap otyrǵan kezde áiel kenetten esinen tanyp qalǵan.
Keiin belgili bolǵandai, ony 2 saǵatqa jýyq ýaqyt zorlap, azaptap, bolǵan jaǵdaidy túgel telefon kamerasyna túsirip alǵan. Esin jiǵan soń áiel qashyp ketken.
Qalalyq politsia departamentiniń basshysy osy is boiynsha kúdikti kelesi kúni ustalǵanyn aitty.
«Ol sot sanktsiiasymen ýaqytsha oqshaýlaý ornyna qamaldy. Qazir barlyq saraptamalar taǵaiyndaldy. Saraptama nátijesine qarai qosymsha baptarmen is qozǵalyp, prokýratýraǵa jiberiledi. Eshkim qylmystyq jaýapkershilikten bosatylmaidy. (48 jastaǵy) áieldiń aiypty ekeni anyqtalsa, birden sol kúni sheshim qabyldanar edi. Qazir tergeý júrgizilip jatyr, betpe bet kezdesý uiymdastyrylyp, videomaterial jinaldy», - dedi Qanat Taimerdenov.
Onyń aitýynsha, eki áiel de ishimdik ishken. Olar buryn Ózbekstanda birge turǵan. Ustalǵan adam da - Ózbekstan azamaty.
