الماتى پوليتسييا دەپارتامەنتٸنٸڭ باسشىسى قانات تايمەردەنوۆ جالعا الىنعان پەتەردە جانتٷرشٸگەرلٸك زورلىق كٶرگەن ەيەلدٸڭ ٸسٸنە قاتىستى پٸكٸر بٸلدٸردٸ, دەپ حابارلايدى "ۇلت اقپارات".
جاقىندا #نەمولچي قورىنىڭ Facebook پاراقشاسىندا 33 جاستاعى ەيەلدٸڭ جالدامالى پەتەردە زورلىق كٶرگەنٸ جارييالانعان بولاتىن. قىلمىس 26 قىركٷيەكتە بولعان.
33 جاستاعى ەيەل 48 جاستاعى قۇربىسىنىڭ شاقىرۋىمەن ونىڭ بولاشاق كٷيەۋٸمەن تانىسۋعا كەلگەن. ٷشەۋٸ ٸشٸمدٸك ٸشٸپ, تويلاپ وتىرعان كەزدە ەيەل كەنەتتەن ەسٸنەن تانىپ قالعان.
كەيٸن بەلگٸلٸ بولعانداي, ونى 2 ساعاتقا جۋىق ۋاقىت زورلاپ, ازاپتاپ, بولعان جاعدايدى تٷگەل تەلەفون كامەراسىنا تٷسٸرٸپ العان. ەسٸن جيعان سوڭ ەيەل قاشىپ كەتكەن.
قالالىق پوليتسيا دەپارتامەنتٸنٸڭ باسشىسى وسى ٸس بويىنشا كٷدٸكتٸ كەلەسٸ كٷنٸ ۇستالعانىن ايتتى.
«ول سوت سانكتسيياسىمەن ۋاقىتشا وقشاۋلاۋ ورنىنا قامالدى. قازٸر بارلىق ساراپتامالار تاعايىندالدى. ساراپتاما نەتيجەسٸنە قاراي قوسىمشا باپتارمەن ٸس قوزعالىپ, پروكۋراتۋراعا جٸبەرٸلەدٸ. ەشكٸم قىلمىستىق جاۋاپكەرشٸلٸكتەن بوساتىلمايدى. (48 جاستاعى) ەيەلدٸڭ ايىپتى ەكەنٸ انىقتالسا, بٸردەن سول كٷنٸ شەشٸم قابىلدانار ەدٸ. قازٸر تەرگەۋ جٷرگٸزٸلٸپ جاتىر, بەتپە بەت كەزدەسۋ ۇيىمداستىرىلىپ, ۆيدەوماتەريال جينالدى», - دەدٸ قانات تايمەردەنوۆ.
ونىڭ ايتۋىنشا, ەكٸ ەيەل دە ٸشٸمدٸك ٸشكەن. ولار بۇرىن ٶزبەكستاندا بٸرگە تۇرعان. ۇستالعان ادام دا - ٶزبەكستان ازاماتى.
