Almatynyń Medeý aýdanyndaǵy Kerei-Jánibek handar kóshesindegi 300 aǵashty kesý faktisi boiynsha qylmystyq is qozǵaldy, dep habarlaidy "Ult aqparat".
«Almaty qalalyq Politsiia departamenti bul fakt QR Qylmystyq kodekstiń 340-baby 1-bóligi (aǵashtar men butalardy zańsyz kesý, joiý nemese zaqymdaý) boiynsha sotqa deiingi tergeýdiń biryńǵai tizilimine tirkelgenin habarlaidy. Tiisti saraptama taǵaiyndaldy, onyń qorytyndysy boiynsha protsessýaldyq sheshim qabyldanady. Tergeýdi Medeý aýdandyq politsiia basqarmasy júrgizip jatyr», - dep habarlady qalalyq PD baspasóz qyzmeti.
