Foto: pexels.com
Almaty politsiiasy qyzmettiń kúsheitilgen nusqasyna kóshirildi, dep habarlaidy Polisia.kz.
Almatyda kún saiyn 2 myńnan astam politsiia qyzmetkeri quqyqtyq tártipti qorǵaidy. Qoǵamdyq tártipti qamtamasyz etý, qylmystardyń, sondai-aq basqa da zańsyz áreketterdiń der kezinde aldyn alý jáne jolyn kesý maqsatynda Almaty politsiiasy qyzmettiń kúsheitilgen nusqasyna kóshirildi. Osyǵan orai PD-nyń basshysy Arystanǵani Zapparov Almaty garnizonyna biryńǵai saptúzeý ótkizdi.
"Qurmetti áriptester! Qalamyzdaǵy qoǵamdyq qaýipsizdiktiń jai-kúii sizderdiń shuǵyl áreket etýlerińizge jáne nátijeli jumystaryńyzǵa tikelei bailanysty. Búgingi tańda Almaty politsiiasynyń aldyńǵy qatarly materialdyq-tehnikalyq bazasy bar jáne qylmysqa qarsy kúresýge, quqyqtyq tártipti nyǵaitýǵa qajettiniń bárimen qamtamasyz etilgen. Sonymen qatar azamattardyń konstitýtsiialyq quqyqtary men bostandyqtaryn qorǵaý ishki ister organdarynyń birinshi kezektegi mindeti ekenin árqashan este ustaǵan jón", – dedi Arystanǵani Zapparov.
Sondai-aq Almaty politsiiasynyń basshysy Ishki ister ministrliginiń qyzmet kórsetýdiń servistik modeline kóshý jónindegi basym tujyrymdamalarynyń birin júzege asyrýǵa erekshe nazar aýdardy.
