Foto: Videodan alynǵan kadr
Almaty politsiiasy qaladaǵy tártipti qamtamasyz etý boiynsha sharalar qabyldady. Jańa jyl merekesine bailanysty tártip saqshylary kúsheitilgen rejimde jumys isteidi.
Almaty qalalyq Politsiia departamentiniń málimetinshe, jańa jyldy merekeleý kezinde qoǵamdyq tártipti qamtamasyz etý, qylmystardyń, sondai-aq basqa da zańsyz áreketterdiń der kezinde aldyn alý jáne jolyn kesý maqsatynda Almaty politsiiasy qyzmettiń kúsheitilgen nusqasyna kóshirildi. 3 myńnan astam politsei qaladaǵy tártipti táýlik boiy kúzetedi.
Patrýldik ekipajdardyń sany ulǵaityldy, qyzmet kórsetý marshrýttary kúsheitildi, jaiaý patrýldik qyzmetke Ulttyq ulannyń 300 áskeri tartyldy.
— Azamattar kóp jinalatyn oryndar men mádeni-oiyn-saýyq sharalary ótetin oryndar erekshe baqylaýda, — dep habarlady vedomstvodan.
Almaty turǵyndary Jańa jyl merekesin toilaýdy bastap ketti. Qalada túrli kontsertter men is-sharalar, sondai-aq negizgi jańa jyldyq jármeńke ótip jatyr.
Eske salaiyq, 20 jeltoqsan kúni Almatyda bas shyrshanyń shamdary jaǵyldy.
Sondai-aq Jańa jyl túni merekelik otshashý bolady. 31 jeltoqsannan 1 qańtarǵa qaraǵan túni megapolis turǵyndary men qonaqtary merekelik otshashýdy tamashalai alady. Otshashý demeýshiler esebinen uiymdastyrylady.
