Almaty politsiiasy 300-ge jýyq qorǵanys kostiýmderin aldy, dep habarlaidy "Ult aqparat".
Almaty qalalyq PD baspasóz qyzmetiniń málimetinshe, bul kiimdi birinshi kezekte Almatynyń karantindi perimetri boiyndaǵy 27 baqylaý-ótkizý posttarynda turǵan politsiia qyzmetkerleri kiedi.
«Bul kostiýmderdi IIM-niń tapsyrmasymen qylmystyq-atqarý júiesi mekemeleri daiyndady. Búgin bizde 280 jiyntyq bar, aldaǵy ýaqytta olardyń sanyn 350-ge jetkizemiz. Baqylaý-ótkizý posttarynda qyzmet etip júrgen Almaty garnizony men bólimsheleriniń qyzmetkerleri qorǵanys kiimderin kidi. Kún saiyn olar azamattarmen tyǵyz bailanysta bolady, olardyń arasynda «qaýip tobyna» kiretin adamdar da bolýy múmkin. Iaǵni ony juqtyrý qaýpi óte joǵary. Karantindik sharalar bastalǵan kezden bastap ishki tártipti saqtaýdy qamtamasyz etetin ishki ister organdarynyń qyzmetkerleri perimetrdiń ainalasynda da, qala ishinde de meditsinalyq maskany, qolǵapty jáne antiseptikalyq quraldardy qoldanyp júr. Politsiia barlyq qajettiliktermen tolyq qamtamasyz etilgen», – dedi Almaty qalalyq PD basshysy Qanat Taimerdenov.
Qalalyq politsiia basshysynyń aitýynsha, Almatydaǵy karantindik is-sharalarǵa Politsiia departamentiniń jeke quramynan,Ulttyq ulan men qorǵanys ministrliginen alty myńǵa jýyq adam tartylǵan. 997 jaiaý patrýldeý baǵyttarynda 3 myńǵa jýyq adam qyzmet etedi.
