Almaty politsiiasy bank bólimshesin tonaýǵa qatysty túsinik berdi, dep habarlaidy "Ult aqparat".
Eske salaiyq, oqiǵa 15 qazan kúni bolǵan. Almatyda qarýlanǵan eki qaraqshy Kaspi bank filialyna shabýyl jasady. Belgisiz adamdar bank qyzmetkerlerin qarýmen qorqytyp, aldyn ala málimetter boiynsha, 2 mln teńgeni alyp ketken. Qaraqshylardyń biri baltamen kassanyń shyny terezesin syndyryp, ishke engen.
«Bul fakti sotqa deiingi tergeýdiń biryńǵai tiziliminde QR Qylmystyq kodeksiniń 192-baby, 3-bóligi boiynsha tirkeldi. Arnaiy jedel-tergeý toby quryldy, olardyń jumysy qylmysty ashýǵa jáne kúdiktilerdi qamaýǵa alýǵa baǵyttalǵan. Tergeý barysy Almaty qalalyq Politsiia departamenti basshylyǵynyń baqylaýynda», - dep habarlady departamenttiń baspasóz qyzmetinen.
