Foto: Polisia.kz
Almaty politsiiasy internettegi alaiaqtyqtyń jańa túri týraly aitty, - dep habarlaidy "Ult aqparat" Polisia.kz basylymyna silteme jasap.
Qalanyń kriminaldyq politsiiasy arnaiy tehnika internet-trafikti paidalana otyryp, basqa elderden kelgen qaskóiler virtýaldy nómirlerge ie bolatyn belgili bir saitqa qosylatynyn eskertti.
"Olar ártúrli veb-saittarda, áleýmettik jelilerde jáne qyzmet kórsetý platformalarynda tirkelý úshin jeke derekteri men abonenttik nómirlerin jasyrý maqsatynda fizikalyq túrde SIM-box uiashyqtarynda bolady. Alaiaqtar virtýaldy SIM-box nómirlerin paidalanyp, ańǵal azamattardy aldaidy: olar jeke kabinetti tirkei otyryp, kez kelgen ónimdi satý týraly ártúrli jarnamalardy jariialaidy, sodan keiin satyp alýshy qyzyǵýshylyq tanytsa, sheteldik bank kartalaryn usyna otyryp, aldyn ala tólem jiberýin suraidy. Alaida aqshany alǵan boida, olar jasyrynyp, jarnamany óshiredi", - deidi Almaty qalalyq politsiia departamenti bastyǵynyń orynbasary Didar Ahanov.
Ekinshi ádis - TikTok áleýmettik jelisin paidalaný arqyly bolyp tur. Munda ańǵal azamattarǵa Whatsapp messendjerinde qurylǵan (SVIP, VIP) toptaryna qosylý usynylady.
Tirkeý kezinde SIM-box virtýaldy nómirlerin paidalana otyryp, olar belgili bir somaǵa taýar satyp alýdy usynady, sodan keiin bul soma bank kartasyna eki eselengen mólsherde qaitarylady dep sendiredi.
"Osyǵan bailanysty Almaty qalasy politsiia departamenti internet-alaiaqtyq derekteriniń kóbeiip bara jatqanyn eskertip, azamattardy onlain qyzmetterdi alýda, internet arqyly taýar satyp alýda saq bolýǵa shaqyrady", - delingen habarlamada.
