©Baza
Almaty politsiiasy demalys kúnderi ustalǵan jasóspirimder týraly aqparatqa qatysty pikir bildirdi, - dep habarlaidy Tengrinews.kz saity.
Buǵan deiin áleýmettik jelilerde "ChVK "Redan" dep atalatyn jasóspirimder qalada tóbeles uiymdastyrýdy josparlap jatqany týraly habarlama paida bolyp, politsiia olardy ustaýǵa kiriskeni de habarlanǵan edi.
Almaty politsiiasynyń baspasóz qyzmeti Almatyda jasóspirimder ustalǵany týraly aqparat shyndyqqa janaspaitynyn málimdedi. Sonymen qatar, ótken demalys kúnderi qalalyq iývenal politsiia qyzmetkerlerimen quqyqtyq tártipti qamtamasyz etý jáne zańsyz áreketterdiń aldyn alý maqsatynda profilaktikalyq is-sharalar júrgizilgenin aitty.
"4 naýryzda saǵat 17:30-da politsiiaǵa Bostandyq aýdanyndaǵy saýda úiine jastardyń jinalyp jatqany týraly habarlama tústi. Jasóspirimdermen zań buzýǵa jol bermeý týraly profilaktikalyq áńgime júrgizildi. Kámeletke tolmaǵandar tarapynan quqyq buzý bolǵan joq", - delingen habarlamada.
Aita keteiik, BAQ "ChVK "Redan" Hunter x Hunter animesiniń jasóspirim jankúierleriniń beiresmi birlestigi dep atady. Birneshe jyl buryn áleýmettik jelilerde osyndai ataýmen top paida bolǵan. Aqpannyń aiaǵynan bastap "Redan" múshelerine basqa jasóspirimder tobymen jappai tóbeleske qatysqany úshin aiyp taǵyldy. Beiresmi qaýymdastyq músheleriniń ózi bul aiyptaýlardy joqqa shyǵarady.
