Almatynyń patrýldik politsiiasy bir táýlikte 550 baǵyt boiynsha sholý jasaidy. Bul týraly Almaty ákimi Baqytjan Saǵyntaev Instagram-daǵy paraqshasynda jazdy, dep habarlaidy "Ult aqparat".
«Qalada táýlik boiy 550 baǵyt boiynsha politsiianyń 1650 qyzmetkeri patrýl jasaidy. Olardyń ishinde 350 patrýl qyzmetkeri barynsha krimonogendi 32 ýchaskedegi tártipti qadaǵalaidy. Munda tórt aidyń ishinde qylmys deńgeii 17,4 paiyzǵa azaidy. Politsiianyń 23 mobildi pýnkti ashylyp, bularǵa qazirdiń ózinde 2,5 myńǵa jýyq adam kómek surap júgingen. Olarǵa quqyqtyq jáne zańnamalyq kómek kórsetildi», - dep jazdy Almaty ákimi Baqytjan Saǵyntaev.
Qala basshysynyń aitýynsha, patrýldik qyzmetti kúsheitý, politsiianyń mobildi pýnktterin qurý — quqyqtyq tártipti buzýdyń aldyn alýdaǵy belsendi sharalar.
«Videomonitoring júiesiniń ziiatkerlik áleýetin arttyrý qatar júrýde. Basty basymdyqtardyń biri — qaýipsizdik bolǵandyqtan, almatylyqtardyń ómir súrý sapasyn jaqsartý boiynsha keshendi sharalar qabyldaityn bolamyz», - dep jazdy ákim.
