Almaty politsiiasy balasyn urǵan Murat Asqaroglyny týystarymen kezdestirdi, dep habarlaidy QazAqparat tilshisi.
Qalalyq IID baspasóz qyzmetiniń habarlaýynsha, 1 tamyzda keshke Murat Asqaroglyny qoldaýǵa jinalǵan týystaryna politsiia ókilderi tergeý jumystarynyń málimetterin túsindirdi.
IID basshysy Serik Kúdebaev kúdiktiniń týystarymen jeke kezdesip, sóilesti.
«Men ózim jeke sóilestim. Konstrýktivti áńgime aityldy. Qoiylǵan suraqtarǵa tolyq jaýap berildi. Murat Asqaroglynyń týystary onymen kezdeskileri keletinin aitty. Olarǵa sondai múmkindik berildi. Týysqandary Muratpen IID ǵimaratynda kezdesti. Osy kezdesýden soń adamdar tergeý isiniń obektivtiligine kóz jetkizdi. Bul týraly basqa da týysqandaryna habarlandy. Jinalǵandar qazir qajettilik joq bolǵan soń tarap ketti», - dedi IID basshysy, general-maior Serik Kúdebaev.
Eske sala keteiik, qaiǵyly oqiǵa 16 shilde kúni Odesskaia men Brianskaia kóshesiniń qiylysynda oryn alǵan bolatyn. Turǵyndar tal túbinen 4 jastaǵy balany taýyp alǵan. Bala shala jansar kúiinde shuǵyl aýrýhanaǵa jetkizilip, ota jasaldy. Almaty politsiiasy jantúrshigerlik oqiǵaǵa kúdikti esebinde balanyń ákesin ustaǵan bolatyn.
Balanyń ákesi Murat Asqarogly óziniń kinásin moiyndap, qazaqstandyqtardan keshirim surady. Er adam mastyqtan eseńgirep turǵanda balasnyń qyńqyl-syńqylyn kótere almai, taspen samaiynan bir-aq urǵan.
Politsiianyń bul áreketi Murat Asqaroglynyń týystarynyń narazylyǵyn týǵyzǵan edi. Keshe Shyǵys ainalma joly mańynda onyń týystary jinalyp, Murattyń kináli emestigin jariialaǵan bolatyn.
