Almaty politsiiasy alaiaqtyń arbaýyna túsken azamattardy izdestirip jatyr, - dep habarlaidy Polisia.kz.
Tergeý málimetinshe, A. esimdi áiel ózin ekinshi deńgeili bankterdiń biriniń kepilge qoiylǵan múlikpen jumys jasaityn qyzmetkeri retinde tanystyryp, Almaty qalasynda joq páterlerdi satqan. Alaiaqtyq týraly shahardyń birneshe turǵyny politsiiaǵa kelip aryz jazǵannan keiin belgili boldy.
"Kúdiktiniń is-áreketiniń sharyqtaý shegi 2012-2013 jyldary boldy. A. esimdi áiel ózin bank qyzmetkeri retinde kórsetip, páter beremin degen jeleýmen aqsha talap etken. Aldyn ala tólem somasy páterdiń sharshy metrine bailanysty bolǵan. 3 bólmeli páterge 70 myń dollar, 1 bólmeli páterge 17 myń dollar alǵan. Aqshany alǵannan keiin isker áiel bailanysqa shyǵýdy toqtatqan. Al aldanǵan azamattar ýáde etilgen baspanany ondaǵan jyl boiy kútken. A. esimdi áiel ustaldy. Qylmystyq ister bir óndiriske biriktirildi. Sotqa deiingi tergeý QR QK-niń 190-baby 3-bóligi 1-tarmaǵy ("Alaiaqtyq") boiynsha júrgizilip jatyr. Isti qaraý barysynda ustalǵan áieldiń osyǵan uqsas 4 epizodqa qatysy bar ekeni belgili boldy. Keltirilgen shyǵynnyń jalpy somasy anyqtalyp jatyr", – dedi Almaty qalalyq PD Tergeý basqarmasynyń bastyǵy Muhamedáli Seisenuly.
Tergeý merziminde A. esimdi áielge qatysty qamaýǵa alý túrindegi bultartpaý sharasy tańdalǵan. Tergeý jalǵasyp jatyr.
"2014 jyly áiel adam osyǵan uqsas qylmystary úshin sotty bolǵan. Qazir onyń qylmystyq áreketterinen zardap shekken azamattardy anyqtaý úshin kúdiktiniń jeke basyn jariia etýdiń protsessýaldyq qajettiligi týyndady. Bul azamatshany tanyǵan adamdar bolsa, myna telefon nómirleri arqyly habarlasýlaryn suraimyz: 8-701-732-86-54 jáne 8-701-624-28-24", – dep tolyqtyrdy Muhamedáli Seisenuly.
