Jetisý oblysynda Almaty–Óskemen tasjolynda bolǵan jantúrshigerlik jol apatynan bes adam qaza taýyp, taǵy eki adam jaraqat aldy, dep habarlaidy ult.kz.
Óńirlik Politsiia departamentiniń málimetinshe, qaiǵyly oqiǵa 26 maýsym kúni keshki ýaqytta Almaty–Óskemen tasjolynyń 432-shaqyrymynda bolǵan. Eki avtokólik soqtyǵysyp, saldarynan eki júrgizýshi men úsh jolaýshy oqiǵa ornynda kóz jumǵan.
Sondai-aq túrli dene jaraqatyn alǵan taǵy eki jolaýshy meditsinalyq mekemege jetkizilgen.
Atalǵan derek boiynsha qylmystyq is qozǵalyp, jol apatynyń naqty sebepteri men barlyq mán-jaiyn anyqtaýǵa baǵyttalǵan sotqa deiingi tergeý amaldary júrgizilip jatyr.
Osyǵan bailanysty politsiia júrgizýshilerdi jol qozǵalysy erejelerin qatań saqtaýǵa, jyldamdyqty jaǵdaiǵa sai tańdaýǵa, qaýipsiz araqashyqtyqty ustanýǵa jáne rólde barynsha muqiiat bolýǵa shaqyrdy.
