Almaty-Óskemen tasjolynda jantúrshigerlik kólik apatynan bir adam mert boldy. Taǵy bir adam túrli dene jaraqatymen aýrýhanaǵa tústi, - dep habarlaidy QazAqparat.
Almaty oblystyq Politsiia departamenti baspasóz qyzmetiniń málimetinshe, oqiǵa 7-jeltoqsan kúni túngi saǵat 23:00 shamasynda bolǵan. Almaty-Óskemen tasjolynyń 71-shaqyrymynda «Mercedes-Benz 814» kóligi soltústik baǵytpen kele jatyp, baǵdarshamda turǵan «Toyota Caldina» kóligine soǵylǵan. Saldarynan «Toyota Caldina» kóliginiń jolaýshysy oqiǵa ornynda mert boldy. Dál osy kóliktiń 39 jastaǵy júrgizýshisi túrli dene jaraqatymen aýrýhanaǵa tústi.
«Qazir atalǵan fakti boiynsha QR QK 345 baby 3- bóligine sáikes tergeý bastaldy. Qajetti saraptamalar taǵaiyndaldy»,- dep tolyqtyrdy atalǵan vedomstvonyń baspasóz qyzmetinen.
Vedomstvonyń aqparatyna sáikes, «Toyota Caldina» kóligi toqtaýǵa ruqsat etilmegen jerde turǵan.
