Foto: Tengrinews.kz
Almaty ortalyǵynda jarylǵan sý qubyryn qalpyna keltirý jumystary jalǵasyp jatyr, - dep habarlaidy Tengrinews.kz portaly.
"Keshe túnde diametri 600 mm bolatyn, 50 jyldan astam ýaqyt boiy paidalanylyp kele jatqan sý qubyry ýchaskeleriniń birinde shtattan tys jaǵdai týyndady. Onyń saldaryn qazirgi ýaqytta "Almaty sý" MKK apattyq brigadasy qajetti tehnikanyń kómegimen shuǵyl túrde joiýda", - dep habarlady "Almaty sý»" kompaniiasynan.
Aldyn ala málimetter boiynsha, apatqa qubyrdyń tozýy sebep bolǵan. Ol osydan elý jyl buryn paidalanýǵa berilgen.
"Almatynyń Bostandyq aýdanyndaǵy birqatar úidiń eski magistraldy sý qubyrynyń buzylýyna bailanysty ajyratylǵan sýmen jabdyqtaý jumystary birneshe saǵat ishinde qalpyna keltiriletin bolady. Atalǵan qalalyq sektordaǵy úilerdiń turǵyndarynan ýaqytsha qolaisyzdyqtarǵa túsinistikpen qaraýdy suraimyz", - delingen habarlamada.
