© Photo : Pexels / Tima Miroshnichenko
Almaty oblysynda kútýshi áieldiń úiinde qalǵan bala qaitys boldy. Aqparatty oblystyq prokýratýranyń baspasóz qyzmeti rastady.
Vedomstvo málimetinshe, biyl 25 naýryzda Talǵar aýdandyq politsiia bóliminiń kezekshisine áiel adamnan aryz túsken. Ol eki jasar balasy 30 jastaǵy kútýshiniń úiinde qaitys bolǵanyn aityp, oǵan shara qoldanýdy suraǵan.
"Azamatsha Sh. (bala kútýshi) tabys tabý maqsatynda 5-6 ai boiy osy otbasynda bala kútýshi retinde jumys istegen. Aldymen bul fakt QK-niń 141-babynyń 2-bóligi ("Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tiisinshe oryndamaý") boiynsha tirkeldi. 2023 jylǵy 26 naýryzda qylmystyq quqyq buzýshylyqty QK-niń 99-babynyń 3-bóligine ("Adam óltirý") qaita saralaý týraly sheshim qabyldandy", - delingen vedomstvo habarlamasynda.
Búgin, 6 sáýirde Talǵar aýdandyq politsiia basqarmasynyń tergeýshisi prokýratýraǵa kúdiktige qatysty eki ai merzimge qamaýda ustaý túrindegi bultartpaý sharasyna sanktsiia berý týraly ótinishhat joldady. Aýdan prokýratýrasy ótinishti qoldap, ony qaraý úshin tergeý sotyna jiberdi.
Qazirgi kezde sotqa deiingi sharalar jalǵasyp jatyr, birqatar saraptama taǵaiyndaldy.
QR Qylmystyq-protsestik kodeksiniń 201-babyna sáikes ózge málimetter jariia etýge jatpaidy.
