Foto: rutube.ru
Almaty oblysynda 1 qańtar men 2 qańtar aralyǵynda qar kóshkini júrý qaýpi bar. Tótenshe jaǵdailar departamenti oblys turǵyndary men qonaqtaryna málimdeme jasady.
"Tótenshe jaǵdailar departamenti Almaty oblysyndaǵy azamattardy, týristerdi jáne demalýshylardy qar kóshkini júrý qaýpine bailanysty qar basqan betkeilerge shyqpaýǵa, taýly aimaqtarda barlyq qaýipsizdik sharalary men tártipti saqtaýǵa shaqyrady. 2025 jyldyń 1 qańtary men 2 qańtary aralyǵynda taýlarda qar kóshkini qaýpi saqtalady", – delingen habarlamada.
Vedomstvoda oblysta qar kóshkini júrýi múmkin 55 aýmaq bar ekenin aitty. Kóshkin júrýi múmkin aýmaqtar Ile Alataýynyń ońtústik betkeiindegi Eńbekshiqazaq, Talǵar jáne Qarasai óńirleri.
Sondai-aq mamandar qar kóshkini kóbinese kenetten jylynyp, jańbyr men qar túrindegi jaýyn-shashynnyń kóp túsýinen bolatynyn málimdedi.
Aita keteiik, buǵan deiin Almaty oblysynyń taýly aimaqtarynda ózdiginen qar kóshkini júrip, joldy jaýyp tastaǵany týraly jazǵan edik.
