Almaty oblysynyń taýly aimaqtarynda qar kóshkininiń qaýpi basym, dep habarlaidy "Ult aqparat".
Óńirde biyl qar qalyń jaýyp, sońǵy kúnderi kún kúrt jylynyp ketti. Apatty jaǵdai boldyrmaý maqsatynda tótenshe jaǵdailar qyzmetkerleri «Qazselden qorǵaý» mekemesi mamandarymen Ile jáne Jońǵar Alataý silemderine aerovizýaldy baqylaý júrgizdi.
Zertteý barysynda qar jamylǵysy turaqsyz ekeni anyqtaldy. Taýly aimaqta qar qalyńdyǵy 80 santimetrge jetken. Qutqarýshylardyń aitýynsha eldi-mekenderge tikelei keler qaýip joq. Alaida aýa temperatýrasynyń kóterilýine bailanysty aqpan aiynyń sońyna deiin qar kóshkini júrýi múmkin.
Tikushaqpen baqylaý kezinde taý bókterinde birneshe jerde ózdiginen qar kóshkininiń júrýi tirkeldi. Mamandar turǵyndarǵa taýǵa shyǵyp, shańǵymen syrǵanamaýǵa keńes beredi.
«Zertteý nátijeleri boiynsha qazirgi ýaqytta taýly jerlerde qar jamylǵysy turaqsyz, eldi mekenderge kóshkinnen tikelei qaýip joq. Ózen arnalarynda seń keptelisi baiqalmaidy. «Qazgidromet» boljamy boiynsha aýa temperatýrasynyń kóterilýine bailanysty aqpan aiynyń sońyna deiin kóshkin qaýpi saqtalady»,- delingen Almaty oblystyq Tótenshe jaǵdailar departamenti baspasóz qyzmetiniń habarlamasynda.
