Talǵar aýdanynda servistik ákimdik ashyldy QR Prezidenti Qasym-Jomart Toqaevtyń "Halyq únine qulaq asatyn memleket" tujyrymdamasyn júzege asyrý maqsatynda Almaty oblysynyń Talǵar aýdanynda servistik ákimdik ashyldy.
Endi aýdan turǵyndary ár bólimderdi izdemei-aq qajetti qyzmetterdi bir ǵimaratta ala alady. «Open space» qaǵidaty boiynsha jumys isteitin ortalyqta 8 mekeme turǵyndarǵa 48 memlekettik qyzmet túrin kórsetedi.
Munda kútý zaly men balalarǵa arnalǵan shaǵyn oiyn alańy bar. Elektrondy túrde kezek kórsetetin servistik ákimdikte barlyq qolaily jaǵdai jasalǵan.
Qazirdiń ózinde qyzý jumysyn bastaǵan ortalyqqa kelýshi turǵyndar dán riza.
"Servistik ákimdik" jobasynyń qaǵidalary memlekettik qyzmetterdi kórsetetin mekemelerdi bir jerde shoǵyrlandyrý. Bul óz kezeginde qyzmet alýshylardyń ýaqytyn, kúsh-jigerin, qarjysyn únemdeýge múmkindik beredi. Osyǵan deiin turǵyndar qyzmet alý úshin eldi-mekenniń túkpir-túkpirinde ornalasqan bólimderge barý qajet bolatyn.
Sonymen qatar, ǵimaratta "Jetisý – adaldyq alańy" jobasymen jabdyqtalǵan azamattardy qabyldaý kabineti ornalasqan. Bul jerde aýdan ákimi, ákim orynbasarlary, mekeme basshylary turǵyndardy jeke máseleleri boiynsha qabyldaý júrgizedi.
